Domingo 11/12/2016.

| Santiago de Compostela

Santiago de Compostela

Os 'irmandiños' emendan a proposta da Executiva do BNG para que a asemblea sexa o 24 e 25 de marzo

Os mozos de +Galiza apoian unha candidatura "progresista e galega" para o Senado, pero rexeita coalición co PSdeG-PSOE
    • Facebook (Me gusta)
    • Tweetea!
    • Google Plus One
  • Compartir:
  • Deja tu comentario

Os 'irmandiños' emendan a proposta da Executiva do BNG para que a asemblea sexa o 24 e 25 de marzo Os 'irmandiños' emendan a proposta da Executiva do BNG para que a asemblea sexa o 24 e 25 de marzo

As correntes que integran o conselo do BNG debaterán este sábado a proposta da Executiva para suspender o proceso da a 13 Asemblea Nacional e que esta se celebre o fin do semana do 28 e 29 de xaneiro. A ela, o Encontro Irmandiño --que lidera Xosé Manuel Beiras-- presentou unha emenda co obxectivo de atrasar o conclave ata o 24 e o 25 de marzo.

A dirección nacionalista aposta por xaneiro para celebrar o conclave, aínda que esta proposta non é unánime, xa que +Galiza (que forma parte dese órgano pero en minoría) defenderá a pertinencia de adiantar o conclave para antes da cita coas urnas. Pola súa banda, a UPG está a favor de atrasar a asemblea, pero, a priori, apoia a proposta da Executiva, na que conforma maioría co único membro de Movemento Galego ao Socialismo que está integrado na dirección nacionalista (despois de presentarse na candidatura de Alternativa pola Unidade -- que auspicía a UPG-- á lista para acceder á Executiva).

Con todo, o Encontro Irmandiño --que é o único partido do conselo que non forma parte da Executiva (ao quedar fóra na última asemblea extraordinaria)-- presentou unha emenda na que, "reiterando o compromiso co consenso de suspensión" do conclave, pide máis tempo para "poder levar tranquilamente os arranxos internos sen interferencias dos procesos políticos externos ou outras axendas sociais".

Movidos tamén polo obxectivo de "preservar o proceso de reactivación e reafiliación no sentido amplo e aberto falado na comisión" e o fin de "abrir ao máximo a participación efectiva nas fases previa e na propia sesión plenaria" da asemblea, os 'irmandiños' presentaron unha emenda, á que tivo acceso Europa Press, e na que se recolle un novo calendario para o proceso interno.

A parte resolutiva desta alegación sinala que, a través da súa aprobación, o Consello Nacional "acorda deixar en suspenso o acordo de convocatoria da Asemblea Nacional feito polo conselo o 2 de xullo deste ano" e convoca unha nova reunión do máximo órgano de decisión entre asembleas para o 17 de decembro, no que se convocaría a nova data, o 24 e 25 de marzo.

DIFERENZAS DE DATA

Outra das diferenzas entre a proposta da Executiva Nacional e a proposta dos 'irmandiños' radica no prazo para o proceso de reafiliación. Cando en xullo se convocou o proceso descoñecendo o adianto electoral, aprobárase que a afiliación se podería realizar ata o 31 de agosto con efecto a 2 de xullo, coa intención de favorecer a inclusión no proceso dun maior número de persoas.

Agora, a dirección nacionalista propón seguir un método similar e propón que a afiliación se poida realizar ata o 30 de novembro, aínda que as cotas deberán ser aboadas con efecto a 1 de setembro. Non obstante, os 'irmandiños', que corren a data ata marzo, seguindo os prazos ordinarios, fixan o 13 de xaneiro como data límite para a solicitude de afiliación, data en que empezarían a aboarse os pagamentos.

Así as cousas, con toda probabilidade a proposta de aprazamento sairá adiante o próximo sábado, aínda que a data estará a expensas dun acordo entre os membros do consello Nacional, posto que se só apoian xaneiro os integrantes da UPG e de Movemento Galego ao Socialismo (MGS) --que está na Executiva tras acceder na lista da UPG-- e +Galiza e o Encontro emiten un sufraxio negativo, a data decaería. Se hai abstencións ou votos positivos doutros membros e acoden todos os integrantes do conselo, xaneiro podería ser, finalmente, o mes do conclave do BNG.

ELECCIÓNS XERAIS

Por outro lado, o Encontro Irmandiño tamén aproveitará este sábado para avanzar a necesidade de que o BNG propoña, de cara ás próximas xerais, "un programa de fondo, de urxente rexeneración democrática, radicalmente democrático e que rescate para a soberanía popular o control das políticas económicas, levantando a bandeira de ao defensa da democracia e dos dereitos fundamentais fronte á deturpación sistemática".

Neste sentido, na súa exposición tamén formulará a importancia de que "para os efectos de manter un entendemento de consenso previo á asemblea nacional", as candidaturas do BNG ás xerais "reflictan o pluralismo interno corrixido para reducir o case monopolio da UPG no conxunto da representación institucional".

Por outro lado, Mocidade Nacionalista Galega (MNG) --novos de +Galiza (corrente que lidera o voceiro parlamentario do Bloque, Carlos Aymerich)-- mostrouse este venres a favor dunha candidatura "progresista e galega" para o Senado, rexeitando unha coalición BNG/PSdeG-PSOE xa que, hoxe en día, "a distancia entre ambas as dúas organizacións, despois da deriva neoliberal e centrista do PSOE, é certamente ampla e imposibilita o acordo baseándose nun programa co que actuar de forma coherente".

Nun comunicado, o secretario xeral de MNG, Paulo Carlos López, explica que esta formación xuvenil si é favorable "a realizar unha candidatura nacional e progresista" ao Senado, dado o método de elección da cámara (listas abertas) e a súa función de representación territorial.

A este respecto, recorda a "imposibilidade" do nacionalismo de optar por si só a obter representantes, de forma que insta ás direccións dos diferentes partidos -- sen especificar -- a facer os esforzos necesarios para a creación dunha candidatura nacional e progresista, escoitando á sociedade civil e rexeitando presentar candidatos propios".

Ademais, Paulo Carlos López considera que estas persoas deberían ser "profesionais e personalidades de recoñecido prestixio, escollidas por consenso entre as partes,", e cun programa de defensa de "autogoberno galego e do Estado de Benestar" e "tendo en conta a xuventude". "Le arrearía un bo golpe á dereita e demostraría que para 2013 hai alternativa de goberno", conclúe.

Seguir a teinteresa en...

KIT BUENOS DÍAS (El mejor resumen de prensa en tu mail)

Recibir noticias
    • Facebook (Me gusta)
    • Tweetea!
    • Google Plus One
  • Compartir:
  • Deja tu comentario

Kit Buenos Días

Diciembre 2016
Lun Mar Mie Jue Vie Sab Dom
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31